Fréttir

Foreldraviðtöl í síma eða tölvu

Komið þið sæl. Miðvikudaginn 20. janúar nk. er foreldradagur hér í skólanum. Að öllu jöfnu hafa nemendur komið í skólann þessa daga til viðtals við umsjónarkennara, ásamt aðstandendum. Um þessar mundir skulu foreldrar og aðstandendur almennt ekki koma inn í skólabyggingar nema nauðsyn beri til. Þar af leiðandi verður boðið upp á rafræn foreldraviðtöl að þessu sinni, annað hvort gegnum Teams eða í síma...
Lesa meira

Rafrænn upplestur

Margt skemmtilegt uppbrot var í grunnskólanum í desember en eitt af því var rafrænn upplestur frá nokkrum landsþekktum höfundum. Snemma í desember fengu nemendur upplestur frá Gunnari Helgasyni og Björk Jakobsdóttur og svo fengu nemendur einnig skemmtilegan upplestur frá Ævari vísindamanni. Skemmtileg nýjung þarna á ferðinni.
Lesa meira

Tilkynning 06.01.2020

Tilkynning send út að kvöldi 06.01.2020: Starfsmaður skólans er með staðfest Covid-19 smit. Rakningarvinna er unnin þessa stundina. Nú þegar hefur verið haft samband við þá starfsmenn sem þurfa að fara í sóttkví. Foreldrar nemenda sem þurfa að fara í sóttkví fá tölvupóst þess efnis á eftir, væntanlega líka sms til áminningar.
Lesa meira

Nýárskveðja 2021

Komið þið sæl. Gleðilegt nýtt ár og takk fyrir samstarfið á árinu sem leið. Skólastarf hefst í fyrramálið, mánudaginn 4.1.2021, samkvæmt stundaskrá klukkan 8:30. Mötuneyti þjónar öllum í hádegismat. Bestu kveðjur, Sævar.
Lesa meira

Jólakveðja og upplýsingar vegna upphafs skólastarfs 2021

Komið þið sæl. Það má með sanni segja að árið hafi verið viðburðaríkt og verður án efa lengi í minnum haft. Skólastarfið hefur verið öðruvísi en venjulega, það hefur í raun fátt verið með venjubundnum hætti árið 2020. Í febrúar fór áhrifa COVID-19 að gæta hér á landi og víðast hvar um heiminn með fjölmörgum samfélagslegum takmörkunum sem hefur áhrif á skólastarf...
Lesa meira

Jólakveðja

Starfsfólk Grunnskólans í Hveragerði óskar nemendum og aðstandendum þeirra gleðilegra jóla og farsældar á nýju ári. Kennsla hefst aftur mánudaginn 4. janúar 2021.
Lesa meira

Vasaljósafriðargangan

Það var eftirvænting í lofti í morgun þegar vinabekkir skólans hittust og gengu hina árlegu vasaljósafriðargöngu. Nemendur og starfsfólk lögðu af stað með vasaljósin og gengið var inn í myrkrið að útistofunni Lundi undir Hamrinum. Þar var búið að kveikja eld og allir höfðu það notalegt um stund.
Lesa meira

Vegna takmarkana á skólahaldi frá 10.12.2020 *UPPFÆRT*

Ekki hefur orðið nein rýmkun á fjöldatakmörkunum í 5. - 10. bekkjum í skólastarfi. Við komum því til með að keyra sömu stundaskrár og við höfum unnið eftir síðustu daga. Við ætlum þó að reyna að koma hluta af desember viðburðum á dagskrá, á morgun verður vasaljósafriðarganga. Sendur hefur verið út póstur bæði til starfsmanna og heimila vegna hennar. Veðurspá er ágæt. Að lokinni vasaljósafriðargöngu verður gangasöngur, þátttakendur verða nemendur 2., 3. og 8. bekkja. Sent hefur verið út plan vegna söngsins. FUGG: Fagráð um góðan gangasöng, sendir út lögin sem sungin verða síðar í dag. Mánudaginn 14. desember klukkan 9:35 verður gangasöngur með nemendum 4., 6. og 9. bekkja, hólfaskipt. Miðvikudaginn 16. desember klukkan 9:35 verður gangasöngur með nemendum 1., og 10. bekkja, hólfaskipt. Fimmtudaginn 17. desember verða ekki litlu jól - jólaböll, heldur hefðbundinn dagur í því skipulagi sem unnið hefur verið eftir. Gangasöngur klukkan 9:35 með nemendum 5., 7., og 10. bekkjum , hólfaskipt. Föstudaginn 18. desember er kertadagur, umsjónarkennarar senda út skipulag vegna hans. Síðasti dagur á Skólaseli þetta árið er 18. desember. Bestu kveðjur og ég vona heitt og innilega að þið eigið góða daga á aðventunni. Sævar Þór Helgason Grunnskólinn í Hveragerði
Lesa meira

Lestrarátökin

Lestrarátök sem byrjuðu í öllum árgöngum um miðjan október er nú lokið. Markmiðið með átakinu var að auka leshraða, lestrarlag og lesskilning. Nemendur voru með sérstakt leshefti með lestextum frá Menntamálastofnun til að lesa í heima og hér í skólanum. Nemendur eru um þessar mundir lestrarprófaðir í skólanum til að meta framfarir og niðurstöður gefa til kynna að góður árangur hafi náðst víða.
Lesa meira

Vegna takmarkana á skólahaldi 2.12-9.12.20

Komið þið sæl, eins og kom fram í pósti okkar 17.11 þá er starfsemi við Grunnskólann í Hveragerði skipulögð í kringum þær takmarkanir sem tóku gildi miðvikudaginn 18. nóvember. Takmörkunin gilti til 1. desember og hefur heilbrigðisráðherra ákveðið að framlengja gildandi reglugerð til 9. desember í samræmi við minnisblað sóttvarnalæknis...
Lesa meira