Grunnskólinn í Hveragerði

Skólinn er vel staðsettur með náttúruperlur allt um kring. Varmá er í túnfætinum en þar er að finna heitar uppsprettur. Þá er sundlaugin í Laugaskarði steinsnar frá, að ógleymdu náttúruundri sem á fáa sína líka í heiminum, en það er hverasvæðið við Hveramörk. Mjög fallegar gönguleiðir eru í nánasta umhverfi skólans og óþrjótandi möguleikar til útivistar- og útikennslu.

Vinakveðjur

Á hverju skólaári vinna vinabekkir skólans saman að jákvæðum og uppbyggilegum samskiptum og hefð hefur verið fyrir því að nemendur fari til skiptis með hugljúfar vinakveðjur til heimila og fyrirtækja. Þetta árið fóru vinabekkirnir saman til fyrirtækja með vinakveðjurnar og áttu góðan dag saman.

Árgangagöngur

Í skólanum eru árgangagöngur að hausti þar sem hver árgangur gengur saman um helstu gönguleiðir í nágrenninu. Þá fer 1. bekkur í stutta göngu en svo lengjast ferðirnar eftir því sem nemendur eldast og þegar komið er í 10. bekk er farið í dagsgöngu frá Nesjavöllum gegnum Marardal og komið niður hjá Hellisheiðarvirkjun. Þá eru allir árgangar með útitíma í stundaskrá sem nýttir eru til ýmissa verka sem tengjast náttúrufræði og umhverfisvitund.

Fréttir / Tilkynningar

16.09.2026

Evrópsk samgönguvika

Árleg evrópsk samgönguvika sem stendur yfir 16.-22, september er hafin. Vikan er haldin til að hvetja fólk á ferð til að nota fjölbreytta ferðamáta sem eru í senn hagkvæmir og heilsusamlegir. Umhverfis- orku- og loftslagsráðuneytið hefur umsjón með ...

Skólafærninámskeið fyrir aðstandendur í 1. bekk

09.09.2026

Grunnskólinn í Hveragerði