Notkun endurskinsmerkja - Ljósabúnaður reiðhjóla

Komið þið sæl. Að gefnu tilefni er bent á eftirfarandi:

Í myrkrinu á morgnana sjást gangandi vegfarendur illa þrátt fyrir götulýsingu og ökuljós bifreiða.

Notkun endurskinsmerkja er þess vegna nauðsynleg. Þau eiga að vera sýnileg og er best að hafa þau á eftirfarandi stöðum:

• Fremst á ermum
• Hangandi meðfram hliðum
• Á skóm eða neðarlega á buxnaskálmum

Þá virkar endurskin eins og blikkljós þegar ljós skín á þau. Því fyrr og betur sem ökumenn greina óvarða vegfarendur þeim mun minni líkur eru á að slys verði. Það er staðreynd að ökumenn sjá óvarða vegfarendur með endurskin fimm sinnum fyrr en ella og því getur notkun endurskinsmerkja skipt verulegu máli

Eins skal reiðhjól búið rauðu þríhliða glitmerki að aftan og hvítu að framan. Á báðum hliðum fótstigs skulu vera hvít eða gul glitmerki. Gul eða hvít glitmerki skulu vera í teinum hjólsins. Reiðhjól sem notað er í myrkri eða skertu skyggni skal búið ljóskeri að framan sem lýsir hvítu eða gulu ljósi og ljóskeri að aftan sem lýsir rauðu ljósi.