Grunnskólinn í Hveragerði

Skólinn er vel staðsettur með náttúruperlur allt um kring. Varmá er í túnfætinum en þar er að finna heitar uppsprettur. Þá er sundlaugin í Laugaskarði steinsnar frá, að ógleymdu náttúruundri sem á fáa sína líka í heiminum, en það er hverasvæðið við Hveramörk. Mjög fallegar gönguleiðir eru í nánasta umhverfi skólans og óþrjótandi möguleikar til útivistar- og útikennslu.

Vinakveðjur

Á hverju skólaári vinna vinabekkir skólans saman að jákvæðum og uppbyggilegum samskiptum og hefð hefur verið fyrir því að nemendur fari til skiptis með hugljúfar vinakveðjur til heimila og fyrirtækja. Þetta árið fóru vinabekkirnir saman til fyrirtækja með vinakveðjurnar og áttu góðan dag saman.

Árgangagöngur

Í skólanum eru árgangagöngur að hausti þar sem hver árgangur gengur saman um helstu gönguleiðir í nágrenninu. Þá fer 1. bekkur í stutta göngu en svo lengjast ferðirnar eftir því sem nemendur eldast og þegar komið er í 10. bekk er farið í dagsgöngu frá Nesjavöllum gegnum Marardal og komið niður hjá Hellisheiðarvirkjun. Þá eru allir árgangar með útitíma í stundaskrá sem nýttir eru til ýmissa verka sem tengjast náttúrufræði og umhverfisvitund.

Fréttir / Tilkynningar

10.04.2024

Pangea stærðfræðikeppnin

Þeir Eiríkur Gylfi Janusson í 9. bekk og Sigurður Grétar Gunnarsson í 8. bekk náðu þeim frábæra árangri á dögunum að komast alla leið í úrslit Pangea stærðfræðikeppninnar. Pangea er stærðfræðikeppni fyrir alla nemendur áttundu og níundu bekkja grunn...

05.04.2024

Viðburðir

Yfirlit viðburða

Grunnskólinn í Hveragerði