Fréttir

Forritunarstyrkur til Grunnskólans í Hveragerði

Grunnskólinn í Hveragerði var einn af ellefu skólum sem hlaut styrk úr sjóðnum Forritarar framtíðarinnar.
Hlutverk sjóðsins er að efla tækni- og forritunarkennslu í grunn- og framhaldsskólum landsins. Styrkir sjóðsins eru í formi tölvubúnaðar og fjárstyrks til þjálfunar kennara til að búa þá betur undir forritunarkennslu fyrir nemendur. 
Í þessari úthlutun bárust sjóðnum 32 umsóknir og til úthlutunar voru um 6,5 milljónir króna sem skiptast að þessu sinni á milli ellefu skóla.

„Það blandast engum hugur um mikilvægi tækni- og forritunarþekkingar í samfélagi nútímans. Við hjá sjóðnum erum afar stolt af því að geta stutt við skóla landsins í þessum efnum og þar með eflt þá í að leggja þann grunn sem þarf til að byggja á til framtíðar. Við finnum það að starfið skiptir skólana máli og fyrir auknum áhuga á forritunarkennslu í skólunum. Þjóðir sem best standa hvað tækni varðar búa við ákveðið forskot. Forritun eða innsýn í forritun er nokkuð sem nýtist ungmennum til framtíðar, ekki ósvipað og fólk býr að því að hafa fengið kennslu í erlendum tungumálum, landafræði og öðrum námsgreinum,“ segir Sigfríður Sigurðardóttir, formaður stjórnar Forritara framtíðarinnar.

Go to top